Manuel Carrera: “Estamos estudando a integración de Independientes de Porriño no PP”

O  PP chegou de novo á Xunta. No Porriño goberna o BNG; Pensamos que era un bo momento para coñecer algo máis dos movementos internos deste Partido nesta vila industrial galega. Falamos con Manuel Carrera, xefe de filas das últimas eleccións e home chamado a novas responsabilidades, segundo din “as malas linguas”, cousa que el nega, de momento. Manuel Carrera é home de poucas palabras; escueto e preciso. Nótaselle certa timidez diante dunha gravadora, pero por outra banda véselle sincero. Tal vez ainda non bebeu a beberaxe amarga do Poder. 

O Mago Teto, mañá no Porriño co seu espectáculo Tole-Maxias

Mañá venres día 10 ás 21:15 horas na Praza do Arquitecto Antonio Palacios, actuará o prestixioso mago galego Mago Teto. O espectáculo deste popular e televisivo mago, forma parte do III Festival Multicultural do Porriño, dentro da promación cultural do concello para os meses de xullo e agosto.

Pedro Pereira reuniuse cos representantes dos traballadores do sector da pedra e do mármore

:: Representantes dos sindicatos CIG, CCOO e UGT foron recibidos polo Alcalde en funcións na Casa do Concello ::

Representantes dos traballadores do sector da pedra e do mármore da provincia de Pontevedra, foron recibidos na Casa do Concello polo Alcalde en funcións, Pedro Pereira. O motivo da visita foi entregar ao Goberno Local o informe de Avaliación do risco de exposición a po e ruído nos talleres de elaboración de pedra natural da provincia de Pontevedra, elaborado polo Instituto Galego de Seguridade e Saúde Laboral de Pontevedra (ISSGA), dependente da Consellería de Traballo da Xunta de Galicia, en xaneiro de 2009. As conclusións deste informe respecto á presenza de sílice en po e aos niveis de ruído nas canteiras pontevedresas son unha das razóns aludidas polos sindicatos para ter convocado a folga no sector.

Comezan as actividades das Escolas de Verán mosenses

 :: Os 60 cativos que acudiron ao Parque da Canuda son os que están inscritos na primeira quenda deste programa, que continuará ata finais de agosto ::

 A Alcaldesa de Mos, Nidia Arévalo, visitou ós 60 nenos e nenas mosenses que están a participar na primeira quenda das Escolas de Verán 2009, organizadas pola concellería de Educación que dirixe a edil Julia Loureiro.

O BNG pensa que o goberno de Mos non aporta nada novo

“Constantemente estamos a ver na prensa novas sobre proxectos e inauguracións de obras, que o tránsfuga do PSOE, Gerardo Alonso e a súa valedora Nidia Arévalo, están a realizar”, asegura Miguel Anxo Aldea Moscoso, Responsable local do BNG en Mos.

A Rede de Dinamización da Sociedade da Información consigue que 600 persoas se acheguen ás novas tecnoloxías no Porriño

O Concello do Porriño informa, a través da súa concellaría de Novas Tecnoloxías, de que a Rede de Dinamización da Sociedade da Información, con quen o concello porriñés ten asinado un convenio de colaboración, continuou en xuño co seu traballo decidido a prol da inmersión da cidadanía do Porriño nas novas tecnoloxías. No mes que ven de rematar, impartíronse un total de 3 obradoiros tecnolóxicos, de 36 horas de duración, a través dos que se formaron 24 persoas.

Iníciase a derradeira obra do Plan Estatal en Mos

 :: Consiste na mellora da estrada dende a Avenida de Sanguiñeda ata a Ponte do Senlle ::

Onte comenzaron en Sanguiñeda as últimas obras do Plan Estatal proxectadas en Mos. A Alcaldesa mosense, Nidia Arévalo, acudiu esta mañá, acompañada polo concelleiro de Vías e Obras, José María Pereira, e por técnicos municipais á zona na que se están a realizar as melloras para interesarse polas alegacións ou propostas dos veciños.

O Concello de Mos incorpora 8 novos traballadores á súa plantilla

 :: Dous deles son auxiliares de policía contratados para a tempada de verán ::

Hoxe incorporáronse ós seus respectivos postos dous Auxiliares de Policía que reforzarán o labor dos 4 axentes locais mosenses e dous Administrativos de Carreira Libre: un para o rexistro do Concello e outro para o Centro de Desenvolvemento Local. “Estes últimos veñen a cubrir prazas que levaban valeiras dende o 2006, ano no que se puxo en funcionamento a RPT, e que agora, tres anos despois e tra-lo cambio de goberno municipal, quedan ó fin ocupadas”, declarou Julia Loureiro, concelleira de Seguiridade e Persoal.

O Concello do Porriño realiza obras de humanización no casco urbano

:: O prazo de execución da obra, que conta cun orzamento de 673.549,82 €, é de seis meses ::

A concellaría de Vías e Obras informa, das obras de humanización nas rúas Ramón González e Manuel Rodríguez, até o cruce coa rúa Xogo da Ola, na rúa Antonio Palacios, e na contorna da igrexa de Santa María, que o Concello do Porriño está a executar con cargo ao Fondo Estatal de Inversión Local para o Emprego.

Presentouse o VII campus de verán do Porriño Industrial

 :: A inscrición permanece aberta para nenos e nenas con idades comprendidas entre 6 e 15 anos ::

O Concello do Porriño informa, da presentación do campus de verán do Porriño Industrial, que se celebrará do 6 ao 11 de xullo no Campo do Carballo, en Atios.